کناٹ پلیس کی ویرانی

قومی دارالحکومت دہلی میں کورونا وائرس کے پیش نظر معمولات زندگی پورے طور پر متاثر ہو چکی ہے۔ اس کا براہ راست اثر دہلی کے مشہور کناٹ پلیس میں بھی دیکھا جاتا ہے۔وہ بازار جہاں عام دنوں خریداری، اور گھومنے ٹہلنے والوں کا تانتا بندھا رہتا تھا اب وہاں کتوں کا اڈہ بنا ہواہے۔

در حقیقت لاک ڈاؤن ہونے کے بعد کناٹ پلیس کے بیشتر دکانیں بند کردی گئیں ہیں۔ یہاں ریستوراں اور کھانے پینے کی دکانوں پر شٹر ہے یا نوٹس چسپاں کیا گیا ہے کہ وہاں کھانے پینے کی چیزیں صرف گھر کی فراہمی کے لئے ہیں۔ عالم یہ ہے کہ این ڈی ایم سی کی پارکنگ میں جہاں گاڑی کھڑی کرنے کی جگہ نہیں ہوا کرتی تھی اب وہاں خاموشہ سنا ٹا اور جانوروں کا قبضہ ہے۔

آئندہ 14اپریل کو وزیر اعظم کے مطابق کیے گئے لاک ڈاؤن کی میعاد ختم ہورہی ہے۔لیکن اب بھی کورونا متاثرین کی تعدادمیں کسی طرح کی کمی نظرنہیں آر ہی میں بلکہ مسلسل اضافہ ہورہا ہے اور ایسی صورتحال میں مزید وقت میں توسیع کا امکان ہے۔ تاہم ، اگر یہ لاک ڈاؤن کھل جاتا ہے، تو کناٹ پلیس مارکیٹ کی وہ رونق رفتہ رفتہ بحال ہو اٹھے۔