دارالحکومت دہلی کے سرکاری اسپتالوں میں کورونا متأثرہ لاشوں کی حالت زار پر سماعت کرتے ہوئے جمعہ کے روز سپریم کورٹ نے دہلی حکومت کی سرزنش کرتے ہوئے وضاحت طلب کی ہے۔
سپریم کورٹ کے بیان کے بعد ریاستی بی جے پی کے ترجمان پروین شنکر کپور نے کہا کہ کورونا مریضوں اور لاشوں کے تعلق سے دہلی حکومت کا رویہ شروع سے ہی غیر انسانی رہا ہے۔
بی جے پی ترجمان نے کہا کہ جو شخص بھی کورونا سے ہلاک ہوتا ہے ان کے اہل خانہ پر کیا گزرتی ہے کوئی تصور بھی نہیں کرسکتا ہے اور اہل خانہ کو میت کے احترام کے ساتھ آخری رسومات ادا کرنے کا موقع تک نہیں ملتا ہے۔
سرکاری اسپتالوں کے غیر ذمہ دارانہ رویہ کی وجہ سے متعدد خاندان کو کافی تکلیف ہوا ہے اسی وجہ سے سپریم کورٹ نے آج دہلی حکومت کی سرزنش کی ہے۔
ریاستی بی جے پی کے ترجمان پروین شنکر کپور نے کہا کہ بی جے پی کورونا مریضوں کے ساتھ مناسب رویہ اور لاشوں کے احترام کے ساتھ آخری رسومات کا مطالبہ کرتی رہی ہے۔
دہلی حکومت کو کورونا سے نمٹنے کے لیے سنجیدگی سے کام نہیں ہو رہا ہے، روزآنہ متاثرہ افراد اور ہلاک ہونے والوں کی تعداد میں اضافہ ہوتا جارہا ہے، اب دہلی حکومت کو سپریم کورٹ کی سرزنش کے بعد شرم محسوس کرنا چاہئے۔
واضح رہے کہ سپریم کورٹ نے دہلی کے سرکاری اسپتالوں میں کورونا مریضوں کے علاج اور جاں بحق افراد کی حالت زار پر افسوس کا اظہار کرتے ہوئے دہلی حکومت کی سرزنش کی ہے۔عدالت نے کہا ہے کہ دہلی حکومت نے وزارت داخلہ کے رہنما اصولوں پر عمل نہیں کیا ہے اور اسپتالوں میں لاشوں کی مناسب دیکھ بھال نہیں کی جارہی ہے۔ مریضوں کے اہل خانہ کو بھی موت کے بارے میں کوئی اطلاع نہیں ہے۔ کچھ کنبہ بعض معاملات میں جنازے میں شریک نہیں ہوسکا۔ سپریم کورٹ نے دہلی حکومت کے چیف سکریٹری سے وضاحت طلب کرتے ہوئے کیس کی اگلی سماعت 17 جون کو طئے کی ہے۔۔
