قومی دارالحکومت دہلی سے ملنے والی معلومات کے مطابق چڑیا گھر سے سات نمونے لیے گئے ہیں جنھیں تحقیقات کے لیے بھوپال کے قومی انسٹی ٹیوٹ آف ہائی سکیورٹی میں جانوروں کے اس نمونے کو بھجوایا جائے گا۔
خیال رہے کہ جنوری ماہ کے وسط میں ایک مردہ الّو کی اطلاع ملی تھی جس کے بعد ابھی تک کسی پرندے کے ہلاک ہونے کی اطلاع نہیں ہے، اسی کے ساتھ ہی اس کے بعد لیے گئے تمام نمونوں کی رپورٹ بھی منفی آئی۔
دوسری جانب دہلی چڑیا گھر کے ڈائریکٹر رمیش کمار پانڈے نے کہا کہ چڑیا گھر میں حکومت کی طرف سے جاری کردہ تمام رہنما خطوط پر سختی سے عمل کیا جارہا ہے۔ انہوں نے کہا کہ پرندوں کے سلوک اور صحت پر بھی مسلسل نگرانی کی جارہی ہے۔
یہ بھی کہا کہ کیمپس میں کیڑے مار دوا کا چھڑکاؤ مسلسل کیا جارہا ہے تاہم دسمبر سنہ 2016 میں چڑیا گھر میں تقریباً تین ماہ کے لیے برڈ فلو کی وجہ سے بند تھا۔
واضح رہے کہ کورونا کے بڑھتے ہوئے انفیکشن کی وجہ سے چڑیا گھر کو سیاحوں کے لیے پچھلے سال مارچ سے بند کیا گیا ہے۔
