حیدر آباد: مس یونیورس 2021 Miss Universe مقابلے میں بھارت کی ہرناز سندھو harnaaz kaur sandhu نے اپنا نام کیا ہے۔ اس سال منعقد ہوئے اس مقابلے کی ابتداء میں 75 سے زیادہ مقبولیت اور صلاحیتوں والی خواتین نے حصہ لیا لیکن ٹاپ 3 میں تین ممالک کی خواتین نے جگہ بنائی، جب کہ بھارت کی ہرناز سدھو نے خطاب اپنے نام کیا۔
ہرناز سندھو Miss Universe Harnaaz Sandhu نے اس تاریخی جیت کے بعد کہا کہ '' میں بھگوان، والدین اور مس انڈیا آرگنائزیشن کا شکریہ ادا کرتی ہوں، جنہوں نے اس پورے سفر میں میری رہنمائی کی اور مدد کی۔ میری جیت کی دعا کرنے والوں کا شکریہ، 21 سال بعد بھارت کو یہ اعزاز حاصل ہوا۔
مس یونیورس Miss Universe 2021 ہرناز سندھو پنجاب کے چنڈھی گڑھ کی رہنے والی ہے۔ وہ پیشے سے ایک ماڈل ہے۔ ہرناز کی شروعاتی پڑھائی چنڈی گڑھ کے شیوالک پبلک اسکول سے ہوئی ہے۔ ہرناز نے چنڈی گڑھ سے ہی گریجویشن کی پڑھائی مکمل کی ہے۔
مزید پڑھیں:
معلوم ہوکہ ہرناز سندھو ملک کی تیسری بیٹی ہے جس نے یہ خطاب اپنے نام کیا ہے۔ اس سے قبل بالی ووڈ کی مشہور اداکارہ سشمتا سین نے مس یونیورس کا خطاب 1994 میں اپنے نام کی تھیں۔ اس کے چھ سال بعد اداکارہ لارہ دتہ نے سال 2000 میں یہ خطاب جیت کر ملک کا نام روشن کی تھیں۔ وہیں ہرناز ملک کی تیسری بیٹی ہے جنہوں نے یہ خطاب اپنے نام کیا ہے۔
