واضح رہے کہ لاک ڈاون کی میعاد میں توسیع کر دی گئی ہے اور یہ میعاد 3 مئی سے بڑھا کر 17 مئی کر دی گئی ہے۔
وہیں لاک ڈاون کا تیسری میعاد آج سے شروع ہو گئی، اس دوران دہلی حکومت کے ذریعے کچھ اہم اعلانات کیے گئے ہیں، جس میں دہلی میں سبھی سرکاری دفاتر کے ساتھ ساتھ کچھ نجی دفاتر بھی کھلیں گے، جس کے پیش نظر دہلی کے ایڈیشنل پولیس کمشنر نے ویڈیو پیغام جاری کرتے ہوئے لوگوں سے لاک ڈان کی ہدایات پر عمل کی اپیل ہے۔
دہلی پولیس کی جانب سے کہا گیا ہے قومی دارالحکومت ریڈ زون میں ہے اسی لیے لاک ڈاون 17 مئی تک جاری رہے گا، ساتھ ہی دہلی پولیس کی جانب سے جو ای پاس جاری کیے گئے تھے، ان کی میعاد اب 17 مئی تک بڑھا دی گئی ہے۔
انہوں نے مزید کہا کہ لاک ڈاون میں جن لوگوں کو حکومت کی جانب سے راحت دی گئی ہے، وہ سبھی افراد اپنی آفیشیل شناختی کارڈ کے ساتھ ہی باہر نکلیں اور سبھی احکامات کی پیروی کریں۔
مندیپ سنگھ راندھاوا نے دہلی کی عوام سے اپیل کی ہے جس طرح سے اب تک لاک ڈاون کے احکامات پر عمل کرتے رہے ہیں اسی طرح کرتے رہیں، اور جس طرح دہلی میں لاء اینڈ آرڈر بنائے رکھنے میں پولیس کا تعاون کیا ہے، اسی طرح کرتے رہیں، انہوں نے کہا لاک ڈاون کی خلاف ورزی کرنے والوں کے خلاف پولیس سخت کارروائی کرے گی۔
