ماروتی کمپنی کے 17 سکیوریٹی گارڈز قرنطینہ سے فرار

جب میڈیکل ٹیم نے ان سبھی کے گھروں کا معائنہ کیا تو وہ سب اپنے گھروں سے فرار ہوچکے تھے، جس کے بعد محکمہ صحت میں ہلچل مچ گئی، ان سبھی کے پولیس میں خلاف مقدمہ درج کرایا ہے۔

قومی دارالحکومت دہلی سے متصل گروگرام کے آئی ایم ٹی مانیسر میں قائم ماروتی کمپنی کے 17 سکیورٹی گارڈز قرنطینہ سے فرار ہوگئے ہیں، یہ سکیورٹی گارڈز 17 جون کو کورونا میں مثبت پائے گئے تھے۔ جس کے بعد یہ سب گھروں کو قرنطین کردیا گیا تھا۔

مانیسر کے ڈپٹی کمشنر آف پولیس دیپک سہارن نے بتایا کہ تمام 17 سیکیورٹی گارڈز کی تفصیلات اکٹھی کی جارہی ہیں، سبھی کے موبائل کی نگرانی کی جا رہی ہیں، انہوں نے کہا کہ جلد ہی سبھی پکڑے جائیں گے۔

دراصل آئی ایم ٹی مانیسر میں ماروتی پلانٹ پر سکیورٹی کمپنی ایس آئی ایس سکیورٹی کا ذمہ دیا ہوا ہے، 17 جون کو کمپنی کے ذریعہ کیے گئے کورونا ٹیسٹ میں 17 سیکیورٹی گارڈز میں کورونا کی تخیص ہوئی تھی سیکیورٹی گارڈز میں کورونا کی کوئی علامت نہیں ہونے پر کمپنی کے مینیجر وکرم بکشی نے محکمہ صحت کو اطلاع دی کہ سبھی گارڈز کو ہوم قرنطین کر دیا گیا ہے۔

اگلے دن محکمہ صحت کی ٹیم سیکیورٹی گارڈز کے پتے پر پہنچی تو معلوم ہوا کہ راتوں رات یہاں سے سب فرار ہوگئے، مریضوں کے فرار ہونے کی اطلاع ملتے ہی محکمہ صحت کے ملازمین دنگ رہ گئے۔

سیکیورٹی کمپنی کے منیجر اس بارے میں کوئی ٹھوس معلومات نہیں دے سکے، جس کے بعد بھنگرولا پرائمری ہیلتھ سنٹر کے ہیلتھ آفیسر کی شکایت کی بنیاد پر تمام 17 افراد کے خلاف پولیس میں مقدمہ درج کیا گیا ہے۔