ریاست اتراکھنڈ کے سابق وزیر اعلیٰ ہریش راوت اور کانگریس سیوا دل کے قومی صدر کی ہدایت پر ترنگا یاترا 14 فروری کو دہرادون ہریدوار سے شروع کی گئی تھی جس یاترا کا کانگریس کارکنان نے آج دوئی والا پہنچنے پر زبردست خیرمقدم کیا۔
اس دوران خواتین کانگریس سیوا دل کی ریاستی صدر ہیما پاروت نے کہا کہ کچھ لوگ ہمارے ملک کو تقسیم کرنا چاہتے ہیں اور اقتدار پر قبضہ کرنے کے لیے ذات پات کی سیاست کررہے ہیں جس کی کانگریس سیوا دل نے سخت مخالفت کررہی ہے۔
کانگریس سیوا دل کے ریاستی صدر راجیش راستوگی نے کہا کہ ریاست کی بی جے پی حکومت سابق وزیر اعلیٰ ہریش راوت کی شبیہہ کو داغدار کرنے کی کوشش کر رہی ہے جس کی کانگریس سخت مخالفت کرتی ہے۔
انھوں نے مزید کہا کہ ترنگا پیدل یاترا ملک میں امن اور بھائی چارے کے مقصد کے لیے نکالی گئی ہے جو آج دوئی والا پہنچ کر اختتام پذیر ہوئی۔
انھوں نے کہا کہ سابق وزیراعلیٰ ہریش راوت کے خلاف سی بی آئی کی جاری تحقیقات کو روکنے کے لیے دوئی والا ایس ڈی ایم کے ذریعے اتراکھنڈ کے گورنر کو ایک میمورنڈم بھیجا گیا ہے۔
