دربھنگہ کلکٹر ڈاکٹر تیاگ راجن ایس ایم نے ای ٹی وی بھارت سے خصوصی بات چیت کرتے ہوئے کہا کہ کورونا وائرس کی دوسری لہر کے پھیلاؤ روکنے کے لیے اقدامات کیے جارہے ہیں۔ فی الحال دربھنگہ ضلع میں کل 65 کورونا مثبت کیسز ہیں جس کے پیش نظر پورے ضلع میں اجتماعی پروگرامز پر روک لگائی گئی ہے، لوگوں کو ماسک پہننے کے لیے بیدار کیا جا رہا ہے اور ماسک نہ پہننے والوں پر کارروائی بھی کی جا رہی ہے۔
انہوں نے کہ کووڈ 19 سے نجات کے لیے ٹیکہ کاری کا عمل بھی زوروں پر ہے۔ مہاراشٹر سے آنے والے ٹرین کے مسافروں کا دربھنگہ ریلوے اسٹیشن پر کورونا جانچ کے لیے انتظامات کیے گئے ہیں۔ جبکہ دربھنگہ میڈیکل کالج ہسپتال میں کورونا مریضوں کے لیے الگ سے آئی سی یو وارڈ بھی قائم کیا گیا ہے۔
ضلع کے 14 تحصیلوں میں کرونٹائن سینٹر بھی قائم کیے جارہے ہیں، جبکہ دربھنگہ ضلع میں خطرے کی بات نہیں ہے حالات قابو میں ہے، لیکن جس طرح سے کورونا کے معاملات میں اضافے ہورہا ہے جس کے پیش نظر احتیاط برتنے کی ضرورت ہے، میں ضلع کے باشندوں سے اپیل کرتا ہوں کہ پوری طرح سے سماجی دوری کا خیال رکھیں اور ماسک کا استعمال ہر حال میں کریں'۔
