دربھنگہ: بہار کے ضلع دربھنگہ کے کلکٹریٹ واقع امبیدکر سبھاگار میں یوم صحافت کے موقع پر ضلع انتظامیہ نے یوم صحافت کو لے کر پروگرام کا انعقاد کیا۔ پروگرام کا آغاز شمع روشن کر ڈپٹی ڈائریکٹر انفارمیشن اینڈ رابطہ دربھنگہ این کے گپتا اور دیگر صحافیوں نے کیا۔ پروگرام کا موضوع تھا who is not afraid of media۔
صحافی سرفراز احمد نے کہا کہ دربھنگہ ضلع میں میڈیا کلب کی بلڈنگ بن کر تیار ہے لیکن ابھی تک ضلع انتظامیہ نے اس بلڈنگ کو صحافیوں کے حوالے نہیں کیا ہے اسے جلد از جلد حوالے کیا جانا چاہیے۔ اس بلڈنگ کے کھل جانے سے صحافیوں کو بڑی سہولت فراہم ہوگی۔
صحافی ابھیشیک کمار نے کہا کہ ہمارے ڈپٹی ڈائریکٹر بہت اچھے ہیں ہر طرح سے تعاون کرتے ہیں جانکاری دیتے ہیں لیکن ہم مانگ کرتے ہیں کہ یہاں کے تھانوں کے افسران کے ذریعے صحافیوں کا چہرہ دیکھ کر خبر کی جانکاری دی جاتی ہے اور پولیس افسران کے مطابق جو خبر شائع کرتے ہیں اس بینر کے صحافی کو زیادہ توجہ دیا جاتا ہے۔ وہیں دوسری جانب جو صحافی ان کے مرضی سے الگ خبر شائع کرتے ہیں انہیں درکنار کیا جاتا ہے۔ یہ رویہ بلکل صحیح نہیں ہے، اس لئے ہم مانگ کرتے ہیں کہ یہ باتیں پولیس کپتان تک پہنچائی جائے، جس سے صحافیوں کے بینر دیکھ کر سلوک نہیں کیا جائے۔
یہ بھی پڑھیں:
- ریاستی حکومت صحافیوں کو تحفظ فراہم کریں: راشد احمد
- احمد آباد: نان ویج پر پابندی کے خلاف ایم آئی ایم کا احتجاج
پروگرام کی صدارت کر رہے ضلع کے ڈپٹی ڈائریکٹر انفارمیشن اینڈ رابطہ این کے گپتا نے کہا کہ یوم صحافت کے پروگرام کے لئے جو عنوان دیا جاتا ہے وہ پریس کاؤنسل آف انڈیا کے ذریعے طے کیا جاتا ہے، وہیں دوسری جانب انہوں نے کہا کہ آج کے اس پروگرام میں جن صحافیوں نے پولس اسٹیشن انچارج کے متعلق خبر سے جڑے جانکاری دینے میں سوتیلا سلوک کی باتیں کہی ہیں اس موضوع کو ہم اپنے سطح سے دربھنگہ ضلع کے پولیس کپتان کے پاس رکھوں گا۔
