دھرنے پر بیٹھے بھاکپا مالے کے رہنما ابھیشیک کمار نے ای ٹی وی بھارت سےکہا کہ' گزشتہ 12 دنوں سے ہم لوگ احتجاج اور مظاہرے کے ذریعے انصاف کا مطالبہ کر رہے ہیں لیکن ضلع انتظامیہ اس معاملے پر پردہ ڈالنا چاہتی ہے۔ انہوں نے کہا کہ' متعلقہ پنچایت کے سابق مکھیا سریس لال دیو، جگدیس مہتو سمیت تین مقامی افراد بھی اس پورے معاملے کے پیش نظر بھوک ہڑتال شروع کر رہے ہیں۔
انہوں نے مزید کہا کہ متعلقہ واڑد کے وارڈ رکن جو درجہ فہرست ذات سے تعلق رکھتی ہیں اسے موجودہ مکھیا کے ذریعے الزام لگاکر سازش کے تحت پھنسایا گیا ہے ان کے مطابق متعلقہ واڑد کو آج تک نہ تو کوئی چیک سونپا گیا اور نہ ہی دوسری متعلقہ چیز، واڑد کی رکن کو مکھیا کے شہ پر غلط مقدمہ درج کیا گیا ہے۔
وہیں انہوں نے یہ بھی کہا کہ' عمارت تعمیراتی شعبہ کے ذریعے کئے گئے'جل مینار' تعمیر میں مکھیا کی بدعنوانی بھی واضح ہے اور اس بدعنوانی کو چھپانے کے لئے مکھیا اور متعلقہ بی ڈی او نے جے سی بی مشین کے ذریعے جل مینار کو منہدم کر دیا تاکہ اس میں کی گئی بدعنوانی کا راز ردب جائے اور تمام تر الزامات وارڈ رکن پر لگا دیا جائے، آخر میں ابھیشیک کمار نے کہا کہ' گزشتہ 12 روز سے غیر معینہ دھرنے پرہم لوگ ہیں، انتظامیہ اگر بدعنوانی کرنے والے افراد کے خلاف کارروائی نہیں کرتی ہے تو اس احتجاج اور مظاہرے کو مزید تیز کیا جائے گا۔
