ریاست بہار کے وزیر اعلی نتیش کمار نے بدھ کے روز دربھنگہ کے سیلاب متاثرہ علاقوں کا ہوائی سروے کیا اور ہوائی سروے کے بعد دربھنگہ کے صدر تحصیل کے سیسو مغربی پنچایت کے مکھناہی مڈل اسکول واقع سیلاب متاثرین کیمپ میں چلائے جا رہے راحت رسانی کے کام کا جائزہ لیا اور وہیں اس دوران کورونا سے بچاؤ کے انتظامات کا بھی جائزہ لیا۔
دربھنگہ کے کلکٹر نے وزیر اعلی نتیش کمار کو بتایا کہ مکھناہی مڈل اسکول کے کل آٹھ کمروں میں 56 سیلاب متاثرین افراد قیام کیے ہوئے ہیں، ان سب کے لیے دو وقت کا کھانا۔پانی، بیت الخلا، بستر روشنی، پنکھا اور طبی خدمات وغیرہ کی سہولیات فراہم کی جا رہی ہے، وہیں اس دوران وزیر اعلی نتیس کمار نے ہاتھ دھونے کی مشین کو دیکھا جو یونیسف کے ذریعے لگوایا گیا ہے۔
مڈل اسکول کے ہال میں سیلاب متاثرین کو کھانا کھلایا جا رہا تھا وہاں بھی وزیر اعلی نے جائزہ لیا۔ انہوں نے کھانے کے متعلق جانکاری بھی حاصل کی۔ وہیں وزیر اعلی نے اپنے ہاتھوں سے کیمپ میں رہ رہے بچوں کو بسکٹ بھی تقسیم کیا۔ کیمپ میں موجود ڈاکٹروں سے طبی سہولیات کے متعلق جانکاری حاصل کی۔ وہیں اس دوران انہوں نے موقع پر موجود اعلی افسران کو ضروری ہدایات بھی دیے۔
وزیر اعلی کے ساتھ وزیر مدن سہنی، رکن اسمبلی سنجے سراوگی، سکریٹری دیپک کمار، محکمہ تعمیرات کے سکریٹری چنچل کمار و دیگر اعلی افسران موجود تھے۔ مذکورہ بالا باتوں کی جانکاری ضلع انفارمیشن افسر نے دی کیونکہ وزیر اعلی کے پروگرام میں میڈیا اہلکاروں کے جانے پر پابندی تھی۔
