ضلع میں ایک مچھلی لوگوں کے تجسس کا موضوع بنی ہوئی ہے۔ دربھنگہ راج کے تاریخی رامباگ کیمپس کے تالاب سے عجیب و غریب شکل اور ساخت کی یہ مچھلی ماہی گیر گنپت ساہنی کے جال میں پھنس گئی۔ جب گنپت نے اس مچھلی کو دیکھا تو اس کے تعجب کا ٹھکانہ نہیں رہا کیوں کہ اس نے اس سے قبل کبھی ایسی مچھلی نہیں دیکھی تھی۔
اس مچھلی کا رنگ سیاہ ہے اور اس کے جسم پر بھوری رنگ کے نشانات ہیں۔ اس کے جسم پر پنکھوں کی طرح کا ڈھانچہ بھی بنا ہے جبکہ اس کا منہ عام مچھلی کی طرح نہیں ہے۔ کچھ لوگ یہ بھی کہہ رہے ہیں کہ یہ مچھلی دربھنکہ مہاراج کے شاہی علامت والی مچھلی سے کافی حد تک ملتی ہے۔
ماہی گیر کو اس مچھلی کا نام نہیں پتہ ہے۔ ماہی گیر کے مطابق یہ ایک جنگلی مچھلی ہے۔ لوگ مچھلی کو دیکھنے کے لیے دکان پر ہجوم لگا رہے ہیں۔ دوسری جانب ماہی گیر نے مچھلی کو فروخت نہیں کرنے کا اور شو کیس میں سنبھال کر رکھنے کا فیصلہ کیا ہے۔
