ہریانہ: بلدیہ نوح کے دفتر میں آتشزدگی

ریاست ہریانہ کے ضلع نوح کے نگر پالیکا دفتر میں آگ لگنے سے سنسنی پھیل گئی۔اس واقعہ میں میونسپل بورڈ نوح کے تمام کاغذات جل کرخاکستر ہو جانے کا اندیشہ ہے۔

اتوار کی رات 1:30 بجے نوح کے نگر پالیکا دفتر میں آگ لگی، نگر پالیکا چیئر پرسن سیما سنگلا نے میڈیا کو بتایا کہ انھیں صبح آگ لگنے کی اطلاع ملی، جس کے بعد پولیس کو اطلاع دی گئی ہے۔

ذرائع کے مطابق نگر پالیکا کے اراکین میں اختلافات ہیں۔ حالانکہ چئیرپرسن نے اختلافات کا سرے سے انکار کیا ہے، جبکہ پولیس نے بھی آن ریکارڈ کچھ کہنے سے انکار کیا۔اس واقعے کے بعد پولیس کا کیمرے کے سامنے نہ آنا اور کوئی تبصرہ نہیں کرنے سے کئی سوال کھڑے ہورہے ہیں۔غور طلب ہے کہ فائر بریگیڈ کا دفتر بھی نگر پالیکا سے منسلک ہے۔لیکن آگ پر وقت رہتے قابو پایا نہیں گیا۔آگ لگنے کی وجوہات کا ابھی تک پتہ نہیں چلا ہے، لیکن اس میں کئی انکشافات کے منظر عام پر آنے کے امکانات بتائے جارہے ہیں۔فی الحال نگر پالیکا کا دفتر مکمل طور پر سیل کر دیا گیا ہے۔