مدھیہ پردیش کے وزیر داخلہ ڈاکٹر نروتم مشرا Narottam Mishra Minister for Home Affairs MP نے آج کہا کہ ریاست میں ’بلی بائی ایپ‘ کے خلاف ابھی تک کوئی شکایت موصول نہیں ہوئی ہے، اگر کوئی شکایت سامنے آئی تو کارروائی کی جائے گی۔
نامہ نگاروں سے بات چیت کے دوران ڈاکٹر مشرا نے کہا کہ اس قسم کی ایپ انتہائی قابل مذمت ہے۔ عورت خواہ کسی بھی طبقے سے تعلق رکھتی ہو وہ قابل احترام ہے۔ ابھی تک اس ایپ کے سلسلے میں ریاست میں کوئی شکایت موصول نہیں ہوئی ہے، اگر کوئی شکایت موصول ہوتی ہے تو اس ایپ کے خلاف کارروائی کی جائے گی۔
وزیر داخلہ نے کہا کہ مرکز کی نریندر مودی حکومت تین طلاق کا قانون لائی، اس کے پیچھے بھی خواتین کا احترام سب سے بڑا محرک تھا۔
مزید پڑھیں:
مہاراشٹرا پولیس Maharashtra Police نے حال ہی میں ایک خاص طبقے سے تعلق رکھنے والی کچھ بااثر خواتین کی شکایت پر اس ایپ کا انکشاف کیا ہے۔ الزام ہے کہ اس ایپ پر ان با اثر خواتین سمیت ایک مخصوص طبقے کی کئی خواتین کی تصاویر اپ لوڈ کرکے ان کو نیلام کیا جارہا تھا۔ ایپ بنانے والوں نے سوشل میڈیا پلیٹ فارم سے ان خواتین کی تصاویر ان کے علم میں لائے بغیر حاصل کی تھیں۔
(یو این آئی)
