این آر سی کو لے کر مظاہرہ

شہریت بل اور این آر سی کے خلاف بھوپال سے بلند ہوئی صدائے احتجاج۔ سبھی مذہب کے لوگوں نے کہا یہ آئین اور حقوق انسانی کی روح کے منافی ایک فرقے کے ساتھ ناانصافی ہے۔

ریاست مدھیہ پردیش کے دارالحکومت بھوپال میں لوک سبھا میں شہریت ترمیمی بل پاس ہونے اور آسام میں این آر سی نافذ کی جانے کو لے کر اب پورے ملک میں صدائے احتجاج تیز ہو رہی ہے۔

مدھیہ پردیش کی دارالحکومت بھوپال میں کیے الگ الگ مظاہروں کے دوران سبھی مذاہب اور طبقات کے لوگوں نے ایک آواز میں اس کی مخالفت کرتے ہوئے شریعت بل جمہوری نظام کا مذاق اور آئین کے بنیادی اصولوں کے خلاف قرار دیا اور اسے واپس لینے کا مطالبہ کیا ہے۔

اس موقع پر مقررین نے اس بل کو بھارت کے آئین کی سیکولر قدروں اور پرویزن کے خلاف بتایا۔ انہوں نے کہا کہ بل میں پاکستان، بنگلہ دیش اور افغانستان سے آئے غیرمسلم پناہ گزینوں کو شہریت دینا اور ملک میں موجود مسلمانوں کو حاشیے پر لے جانا ایک طے ہدف پر کام کرنے والا قدم ہے۔