مدھیہ پردیش کے وزیراعلی شیو راج سنگھ چوہان نے آج کہا کہ مدھیہ پردیش کابینہ میں جلد ہی توسیع کی جائے گی۔
انہوں نے آج یہاں میڈیا سے کہا کہ کابینہ سے جڑے سبھی امور پر بھی بات چیت ہوئی ہے۔ جلد ہی وہ اس مسئلے پر تبادلہ خیال کے لئے مرکزی قیادت سے ملنے دہلی جائیں گے۔ انہوں نے کہا کہ اس کے بعد جلد ہی کابینہ میں توسیع ہوگی۔
شیو راج سنگھ چوہان نے تین ماہ قبل 23 مارچ کو وزیراعلی کے طور پر حلف لیا تھا۔ پورے ایک ماہ بعد انہوں نے پانچ لیڈروں کو وزیر بنا کر اپنی کابینہ تشکیل دی تھی۔ اس کے بعد سے ہی کابینہ کی توسیع سے متعلق بات چیت چل رہی ہے۔
