سابق وزیر اعلیٰ کمل ناتھ صحت یاب ہوکر اسپتال سے گھر پہنچے

کانگریس کے سینئر رہنما اور مدھیہ پردیش کے سابق وزیر اعلی کمل ناتھ کو آج اسپتال سے فارغ کردیا گیا ہے اور وہ اپنے گھر واپس پہنچ گئے ہیں۔

مدھیہ پردیش کے سابق وزیر اعلیٰ کمل ناتھ کو حال ہی میں دہلی دورے کے دوران بخار کی شکایت کے بعد انہیں معمول کے چیک اپ کے لہے گروگرام کے ایک نجی اسپتال میں داخل کرایا گیا تھا۔

اسپتال سے فارغ ہونے کے بعد کمل ناتھ نے ایک ٹویٹ میں لکھا کہ ’’میں ایشور کے آشیرواد اور آپ سبھی کے دعاؤں سے اب مکمل طور سے صحت مند ہوں۔

اپنی علالت کے دوران مجھے پورے ملک سے اور آپ سب کی طرف سے بڑی تعداد میں دعاؤں کے پیغامات موصول ہوئے، اس محبت اور پیار کے لیے آپ سب کا دل سے شکریہ۔‘‘

یو این آئی