جمعیت علماء مدھیہ پردیش کے ذریعہ شہر اور صوبے میں قبرستان بچاؤ مہم چلائی جارہی ہے، جس کے تحت شہر کے کئی قبرستانوں میں تحفظ سے جڑے کام کئے گئے اور ان کاموں کو اور تیز کیے جانے کا فیصلہ لیا گیا ہے۔
جمعیت علماء کے عہدیدار نے کہا کہ قبرستانوں کے تحفظ کے لیے عوام کو بیدار کرنا وقت کی بڑی ضرورت ہے، عوامی تعاون سے خستہ حال قبرستان کو خوبصورت گارڈن میں تبدیل کرنے کے لیے جمعیت علماء نے ریاست گیر سطح پر مثالی قبرستان قائم کرنے کی مہم شروع کردی ہے۔
یہ بھی پڑھیں: سات برس بعد چار نوجوانوں کی رہائی، اہل خانہ نے جمعیت علما ہند کا شکریہ ادا کیا
جمیعت علماء کے ذریعہ مثالی قبرستان قائم کرنے کی مہم کو دارالحکومت بھوپال کے ہلال پورہ قبرستان سے شروع کیا جائے گا۔ جمعیت علماء کے کارکن کا کہنا ہے کہ ہم لوگوں نے قبرستان کی صفائی، خستہ حالی کے متعلق وقف بورڈ کو وقت وقت پر اطلاع دی ہے لیکن ضلع راج گڑھ کے پچور کے لوگوں نے جس طرح سے 8 بیگھہ زمین پر شکستہ حال قبرستان کو خوبصورت گارڈن میں تبدیل کیا ہے اسی طرح سے دارالحکومت بھوپال سے مثالی قبرستان کی مہم شروع کی گئی ہے۔
