موہن بھاگوت کی کتاب 'بھارت کا مستقبل' پراعتراض کرنا غلط ہے: ڈاکٹر شیخ عقیل

'قومی کونسل بھگوت گیتا، گرونانک صاحب، مارکسسٹ اور دیگر تمام نظریات سے متعلق مواد فراہم کراتی رہی ہے۔ اس لیے موہن بھاگوت کی کتاب بھارت کا مستقبل پراعتراض جتانا غلط ہے'۔

آر ایس ایس چیف موہن بھاگوت کے بیانات کا ترجمہ کراکر کتابی شکل دینے والے قومی کونسل برائے فروغ اردو زبان کے ڈائریکٹر ڈاکٹر شیخ عقیل احمد سے ای ٹی وی بھارت کے نمائندے خاص بات کی۔

دراصل آر ایس ایس چیف موہن بھاگوت کے ذریعے ایک تین روزہ سیمینار میں کی گئی تقریر کو اردو میں ترجمہ کر کے اسے 'بھارت کا مستقبل' کے نام سے کتابی شکل میں این سی پی یو ایل نے شائع کیا ہے۔حالانکہ اس سے متعلق ڈاکٹر عقیل کو تنقید کا بھی نشانہ بنایا گیا ہے تاہم اس پر این سی پی یو ایل کے ڈائریکٹر ڈاکٹر عقیل کا کہنا ہے کہ قومی کونسل اس سے پہلے بھی تمام مذاہب اور مکتبہ فکر کے لوگوں کی کتابیں شائع کر چکا ہے۔ تاہم لوگوں کو موہن بھاگوت کی تقریر کو کتابی شکل دے کر اسے شائع کرانے میں اعتراض کیوں ہے۔ڈاکٹر عقیل نے ملازمین کو جاری کیے گیے سرکلر اور تقریب میں شریک نہیں ہونے پر شو کالز نوٹس پر بھی وضاحت پیش کرتے ہوئے بتایا کہ' اس طرح کے نوٹس قومی کونسل برائے فروغ اردو زبان کے تمام پروگرامز سے قبل جاری کیے جاتے رہے ہیں'۔انہوں نے کہاکہ یہ کوئی نئی بات نہیں ہے بلکہ اس سے پہلے بھی ایک بار بونس کے طور پر تمام ملازمین کو ایک طے شدہ رقم بھی دی جاتی ہے۔ اس دوران انہوں نے مختلف سالوں میں جاری کیے گیے نوٹس بھی ای ٹی وی بھارت کے نمائندے کو پیش کیے۔