مدھیہ پردیش کے وزیراعلیٰ شیوراج سنگھ چوہان نے شراب کے غیر قانونی کاروبار اور زمینی مافیاؤں کو ریاست سے ختم کرنے کا اعلان کرتے ہوئے کہا کہ ہم مسلسل شراب کے غیر قانونی کاروبار اور زمینی مافیاؤں پر شکنجہ کس رہے ہیں، جس میں کامیابی بھی مل رہی ہے۔
انھوں نے کہا کہ اسی تعلق سے صوبے کے متعدد اضلاع میں زمینی مافیا کے خلاف بھی سخت اقدامات اٹھائے گئے ہیں اور جو اضلاع اس ضمن میں نمایاں کام انجام دے رہے ہیں ان کو اعزاز سے بھی سرفراز کیا جائے گا۔
بھوپال کے کلیکٹر اویناش لاونیا نے کہا کہ وزیراعلیٰ شیوراج سنگھ چوہان کے اعلان کے بعد ہم نے ضلع کی متعدد مقامات پر چھاپہ مار کاروائی کی ہے، جس میں ہم نے غیر قانونی طریقے سے چلائے جا رہے شراب کے کاروبار کے خلاف سخت قدم اٹھائے اور ہماری کوشش جاری ہے کہ ضلع سے غیر قانونی شراب کے کاروبار کو مکمل طور سے بند کردیا جائے۔
