مدھیہ پردیش کی صوبائی حکومت نے مرکزی حکومت کی پالیسیوں کے خلاف آواز بلند کی اور صوبے کو ملنے والی سہولیات کو جلد سے جلد فراہم کرنے کا مطالبہ کیا۔
اس احتجاج کے ذریعہ کانگریس کے لیڈران نے مرکزی حکومت پر الزام لگایا کہ ملک میں کروڑوں کی تعداد میں لوگوں کی نوکریاں چلی گئیں، کام سارے بند ہوگئے، ریئل اسٹیٹ کے سارے کام بند ہوگئے ہیں۔
مرکزی حکومت کے خلاف کانگریس کا احتجاج
ملک کے کسان، تاجر پریشان ہیں، جی ایس ٹی اور نوٹ بندی سے ملک معاشی بحران سے گزر رہا ہے، وہیں ریاست مدھیہ پردیش میں ہوئی زیادہ بارش پر مرکز نے جو ایک ہزار کروڑ معاوضہ دیا ہے وہ ناکافی ثابت ہو رہا ہے۔
کانگریس نے مطالبہ کیا ہے کہ صوبائی حکومت نے ساڑھے چھ ہزار کروڑ کی رقم کا مطالبہ کیا تھا جسے دوسری ریاستوں کو تو دے دیا گیا ہے پر مدھیہ پردیش کو نہیں دیا گیا۔
