ریاست مدھیہ پردیش کے دارالحکومت بھوپال میں ریاستی مساجد کمیٹی کے زیراہتمام اعزازی تقریب منعقد کی گئی- جس میں ان تنظیموں کے کارکنان اور اہم شخصیات کو اعزاز سے نوازا گیا جنہوں نے لاک ڈاؤن کے دوران مسلسل بےلوث خدمات انجام دیں۔
مساجد کمیٹی کے سیکرٹری سلمان خان نے کہا کہ' کورونا وبا کے ابتدائی دور میں کورونا وبا پھیلانے کے تعلق سے ایک خاص طبقے کو نشانہ بنایا گیا تھا۔ لیکن ان سب الزامات کے باوجود مسلم تنظیموں نے لاک ڈاؤن کے دوران جس طرح کے خدمات کو انجام دیے وہ قابل تعریف ہیں، اس لئے ان تنظیموں کے کارکنان کا اعزاز و استقبال کیا جانا ضروری ہے، تاکہ ان کی حوصلہ افزائی ہوسکے۔
اس موقع پر وہ سماجی کارکنان جنہوں نے لاک ڈاؤن کے دوران اپنی بےلوث خدمات انجام دیں ان کا کہنا تھاکہ خدمت صرف اللہ کی رضا کے لئے کی گئی اور آنے والے وقت میں بھی ہم تیار ہے۔
مزید پرھیں:
بھوپال: بزرگ خواتین پنشن اور راشن سے محروم
سماجی کارکنان کے مطابق پورے 63 دنوں میں تقریبا 42 سو 'فوڈ پیکٹس' تقسیم کئے گئے۔ اس خدمات کے باعث مساجد کمیٹی کے کارکنان کی اعزازی تقریب میں ستائش کی گئی۔ تاکہ ان خدمت گزاروں کی حوصلہ افزائی ہو اور ضرورت مندوں کی مزید مدد کا جذبہ پیدا ہو۔
