مدھیہ پردیش کے دارالحکومت بھوپال کے ایٹ کھیڑی میں 22 نومبر سے شروع ہونے والے اجتماع کے سلسلے میں تیاریاں مکمل کر لی گئی ہیں،گھانسی پورہ اینٹ کھیڑی میں 72 واں عالمی تبلیغی اجتماع 22 سے 25 نومبرتک منعقد کیا جائے گا۔
پولیس ذرائع کے مطابق پروگرام میں سکیورٹی کے پیش نظر اجتماع گاہ اور شہر کے مختلف مقامات، بس اسٹینڈ اور ریلوے اسٹیشن وغیرہ پر ناکہ بندی اور بیریکیڈنگ کرکے مشتبہ افراد اور خصوصی طور پر سنجیدگی سے باہری گاڑیوں کی چیکنگ کی جارہی ہے۔ ساتھ ہی ہوٹل، لاج، دھرمشالہ اور رَین بسیرا وغیرہ کی بھی چیکنگ کی جارہی ہے-
سینٹرل ریلوے نے بھوپال میں عالمی تبلیغی اجتماع کی وجہ سے مسافروں کی تعداد میں اضافہ کے پیش نظر سولا پور اور بھوپال کے درمیان 2 خصوصی ٹرینیں چلانے کا فیصلہ کیا ہے۔
محکمہ ریلوے کی تفصیل کے مطابق 01331 خصوصی ٹرین 22نومبر جمعہ کو 07.00 بجے سولاپور سے روانہ ہوگی اور دوسرے دن 10.05 بجے بھوپال پہنچے گی۔
جبکہ 01332 خصوصی ٹرین پیر 25 کو رات23.30 بجے بھوپال سے روانہ ہوگی اور تیسرے دن یعنی بدھ کے روز 00.20 بجے سولا پور پہنچے گی۔
ٹرین کلبرگی ، شاہ آباد ، واڑی ، وقار آباد ، سکندرآباد ، قاضی پیٹھ ، رام گنڈم ، سرپورکگاز نگر ، بلہارشاہ ، ناگپور اور اٹارسی ہوتے ہوئے بھوپال پہنچے گی ،اس میں مجموعی طور 10 سلیپر کلاس اور 8 جنرل سیکنڈ کلاس ڈبے ہوں گے۔
ریزرویشن کے لیے خصوصی چارجز پر 01331 خصوصی ٹرین کی بکنگ کو تمام پی آر ایس مقامات اور www.irctc.co.in پر انٹرنیٹ کے ذریعے کھلے گی۔
