بھاگلپور کے سنیئر پولیس سپرنٹنڈنٹ آشیش بھارتی نے آج بتایا کہ پٹرول پمپ پر پہنچے تین بدمعاشوں نے اسلحہ کا خوف دکھا کر ایک ملازم سے قریب 1450 روپے لوٹ لئے اور پھر دفتر میں داخل ہونے کے لئے دروازہ کھولنے کو کہا اسی دوران وہاں تعینات چوکیدار نے کجریلی تھانہ صدر کو فون کرکے معاملے کی جانکاری دی۔
مسٹر بھارتی نے بتایا کہ تھانہ صدر نے جلد موقع پر پہنچ کر تینوں بدمعاشوں کو گرفتار کر لیا اور اس کے پاس سے لوٹے گئے قریب 1450 روپے، دو موبائل فون، ایک دیسی کٹا، ایک کارتوس اور بغیر نمبر پلیٹکے ایک بائک ضبط کی گئی ہے۔
سنیئرپولیس سپرنٹنڈنٹ نے بتایا کہ گرفتار بدمعاشوں کی شناخت ارون کمار، محمد بابر اور سنیل کمار کے طور پر کی گئی ہے اور تینوں ضلع کے حبیب پور تھانہ علاقہ کے رہنے والے ہیں۔ ان بدمعاشوںکے خلاف قبل سے لوٹ، چوری جیسے سنگین معاملات بھی حبیب پور تھانہ میں درج ہیں۔
