یادگیر: یوم اطفال کی مناسبت سے تقریب کا اہتمام

اس موقع پر عبدالہادی سیکرٹری آئیڈیل گلوبل اسکول نے کہا کہ دو سالوں سے کورونا کے سبب بچوں میں کسی بھی طرح کی تقاریب کا انعقاد نہیں کیا گیا تھا۔

ریاست کرناٹک کے ضلع یادگیر کے آئیڈیل گلوبل اسکول میں یوم اطفال بچوں کا دن منایا گیا پروگرام کے آغاز میں ملک کے پہلے وزیر اعظم پنڈت جواہر لال نہرو کی تصویر کو پھول مالا چڑھا کر تقریب کا آغاز کیا گیا۔

اس موقع پر عبدالہادی سیکرٹری آئیڈیل گلوبل اسکول نے کہا کہ دو سالوں سے کورونا کے سبب بچوں میں کسی بھی طرح کی تقاریب کا انعقاد نہیں کیا گیا تھا۔ اسکول کے بچوں میں مختلف کھیلوں اور مقابلہ جات کو لے کر کافی جوش و خروش پایا جارہا ہے۔

یادگیر میں یوم اطفال

اس موقع پر اسکول کے کئی طلباء وطالبات نے اردو انگریزی اور علاقائی زبان میں پنڈت جواہر لال نہرو سے متعلق مضامین پڑھے۔

پروگرام کا آغاز زہرا نامی طالبہ کی حمد باری تعالیٰ سے ہوا جب کہ نعت پاک کا نذرانہ طالبہ فرح ناز اور معراج نے پیش کیا۔

اس موقع پر مختلف مقابلہ جات میں حصہ لینے والے طلباء و طالبات کو انعامات سے نوازا گیا۔