اس سلسلے میں بورڈ کے چیئرمین ڈاکٹر محمد یوسف نے بتایا کہ رمضان المبارک میں عبادات کے طریقہ کار کے سلسلے میں حال ہی میں امارت شریعہ کی جانب سے جاری کئے گئے ہدایات پر عمل کیا جائے۔
اس موقع پر ڈاکٹر محمد یوسف نے بتایا کہ رمضان سے قبل وقف بورڈ کی جانب سے ایک اسکیم تیار کی جائیگی، جس کے تحت بڑے اوقافی اداروں سے رقم جمع کر مستحق غریب افراد کو مالی تعاون کیا جائیگا۔ اس موقع پر محکمہ اقلیتی بہبود کے سکریٹری ابراہیم اڈور نے مسلمانوں سے اپیل کی کہ کورونا وائرس سے خلاف چل رہی جنگ میں حکومت کا ساتھ دیں۔
قابل ذکر ہے کہ کورونا وائرس کے پیش نظر ملک بھر میں لاک ڈاؤن جاری ہے۔ اس دوران تمام عبادت گاہیں بند ہیں۔
خیال رہے کہ دنیا بھر میں کورونا وائرس سے اب تک 20 لاکھ سے زائد افراد متاثر ہیں۔ کورونا وائرس سے دنیا بھر میں ایک لاکھ سے زائد افراد ہلاک ہو چکے ہیں۔ دنیا بھر میں کورونا وائرس سے متاثر افراد میں سے پانچ لاکھ سے زائد افراد ٹھیک ہو چکے ہیں۔
بھارت میں کورونا وائرس سے 12 ہزار سے زائد افراد متاثر ہیں، جبکہ بھارت میں کورونا وائرس سے ہلاک ہونے والوں کی تعداد 414 ہو چکی ہے۔ کورونا وائرس سے متاثر افراد میں سے 1489 ٹھیک ہو چکے ہیں۔
