معروف عالم دین مولانا الحاج سید قاسم بخاری قادری خطیب و امام جامع مسجد سنگتراش واڈی و ناظم دارالعلوم حسینیہ گلبرگہ نے اپنے دورۂ شاہ پور تعلقہ ضلع یادگیر کے موقع پر میڈیا سے بات کرتے ہوئے کہا کہ اسلام ایک پاکیزہ مکمل دین ہے جو ہمیشہ پاکیزگی وحسن اخلاق کی تعلیم دیتا ہے۔ Valentine's Day 2022
یوم عاشقان قوم یہود نصارا کی سازش:سید قاسم بخاری قادری ایک دوسرے کے لئے محبت بھائی چارے کے ساتھ رہنے کی ہدایت فرماتا ہے اور اسلام نے پاکیزگی کے لئے جو تعلیم دی ہے وہ ہر مذہب کے لیے قابل تقلید ہے۔ انہوں نے کہا کہ اس حوالے سے میں نوجوانوں سے کہنا چاہوں گا کہ ویلنٹائن ڈے میں جو بڑھ چڑھ کر حصہ لے رہے ہیں یہ کافی افسوس کی بات ہے۔ نوجوان دین و ملت کا بہت بڑا سرمایہ ہوتے ہیں۔ انہوں نے مزید کہا کہ مسلم نوجوانوں کو اپنے دین و آخرت خراب کرنے کے لیے اس طرح کی سوچی سمجھی سازش کے تحت یہ دن منایا جاتا ہے۔ یوم عاشقان قوم یہود ونصاریٰ کی بنائی ہوئی سازش ہے۔ انہوں نے کہا کہ ہماری آنے والی نسلوں کی عزت و حیات کی بقاء صرف اور صرف اسلام کی روشن تعلیمات میں ہیں اس لیے ہمیں اپنے معاشرے سے تمام غیر اسلامی غیر اخلاقی اور غیر فطری رواجوں کو ختم کرنا ہوگا۔اللہ کے رسول صلی اللہ علیہ وسلم نے فرمایا کہ حیا ایمان کا ایک حصہ ہے۔ ایک مومن کبھی بھی ایسی بے حیائی کی حرکت نہیں کرتا اسلام نے حیا کی تعلیم دی ہے اس لئے بے حیائی کے عالمی دن سے نوجوان دور رہیں اور اللہ سے توبہ کریں کیونکہ اللہ معاف کرنے والا ہے۔
