گلبرگہ: تین بین ریاستی موٹر سائیکل چور گرفتار

بتایا جاتا ہے موٹرسائیکل چور حیدرآباد میں گیرج میں رکھی موٹرسائیکلوں کو چوری کرکے اور اس کے نمبر پلیٹ تبدیل کرکے بازار میں فروخت کردیتے تھے۔

ریاست کر ناٹک کے گلبرگہ شہر میں تین بین ریاستی موٹر سائیکل چور کو پولیس نے گرفتارکیا ہے ۔ پولیس نے ملزمین کے قبضہ سے تین لاکھ روپیے مالیت کی موٹر سائیکلیں ضبط کی ہیں۔

ذرائع نے بتایا کہ چوری کے الزام میں پولیس نے حیدر آباد کے ساکن 25 سالہ محمد چودھری، 23 سالہ جیلانی اور بندرواڑ موضع کا ساکن 25 سالہ محمد سہیل چودھری کو گرفتار کیا ہے۔

بتایا جاتا ہے موٹرسائیکل چور حیدرآباد میں گیرج میں رکھی موٹرسائیکلوں کو چوری کرکے اور اس کے نمبر پلیٹ تبدیل کرکے بازار میں فروخت کردیتے تھے۔ اس معاملے میں سہیل چودھری ان کے مدد گار تھے۔ پولیس نے تینوں ملزمین کو گرفتار کرلیا ہے اور سختی سے پوچھ گچھ جاری ہے۔