ڈاکٹر مہان تیشوری نے ای ٹی وی بھارت سے بات کرتے ہوئے کہا کہ شموگا سے یادگیر کے مزدور جو کام پر گئے تھے ان کو کے یس آر ٹی سی (کرناٹکا اسٹیٹ روڈ ٹرانسپورٹ کارپوریشن) کی بس کے ذریعے یادگیر لایا گیا۔
اور ان کو شہر کے ڈگری کالج میں کورنٹائن سینٹر میں 14 دن کے لیے رکھا گیا ہے۔ لاک ڈاؤن کے سبب پھنسے مختلف اضلاع میں مزدوروں کو ریاستی حکومت ان کے گھروں تک پہنچا رہی ہے۔
انہوں نے کہا کہ یہاں پر ان تمام مزدوروں کو 14 دنوں تک رکھا جائے گا اور پھر ان کو اپنے گھر جانے کی اجازت دی جائے گی، باہر سے آنے والے تمام مزدوروں کی تھرمل اسکریننگ کی گئی ہے یہ سب نارمل ہیں، ان تمام مزدوروں کے لیے رہنے اور کھانے کا انتظام کیا گیا ہے۔
