کورونا وائرس کے پھیلاؤ کو روکنے کے لیے ملک گیر سطح پر دو میعادوں میں لاک ڈاؤن نافذ کیا گیا ہے۔ لاک ڈاؤن کے درمیان ملک بھر سے یومیہ مزدور اور کی تشویشناک حالات کی خبریں سرخیوں میں۔ خبروں کے مطابق اچانک لاک ڈاؤن نافذ کیے جانے سے کروڑوں لوگوں کو دشواریوں کا سامنا ہے۔
لاک ڈاؤن کی وجہ سے نہ صرف غریب طبقہ بلکہ متوسط طبقہ بھی فاقہ کشی پر مجبور ہیں۔ کیوں کہ متعدد شعبے میں کام بند پڑا ہے، جبکہ محنت کش افراد کے پاس کام نہ ہونے کی وجہ سے وہ لوگ کھانے پینےکو محتاج ہوگئے ہیں۔
ان حالات میں معروف تنظیم سیدہ زینب ایجوکیشن فاؤنڈیشن کی شعبہ خواتین نے قریب 5 ہزار ضرورت مند خاندانوں میں رایشن تقسیم کیے ہیں۔
اس تعلق سے بات کرتے ہوئے تنظیم کے صدر اور سیکرٹری کہتے ہیں کورونا وائرس کے خلاف حکومت کی جانب سے جاری لڑائی میں ہم سبھی کو اپنا تعاون دینا وقت کا اہم تقاضہ ہے۔ اس موقعے پر انہوں نے عوام سے لاک ڈاؤن کے دوران اپنے گھروں ہی میں رہنے کی اپیل کی۔'
