خیال رہے کہ مرکزی حکومت کے ذریعے لوک سبھا اور راجیہ سبھا میں شہریت ترمیمی بل کے منظور ہونے کے بعد ملک کی مختلف ریاستوں میں حکومت کے خلاف نعرے بازی کی جا رہی ہے۔ اس سلسلے میں بھارت کی اکثر سماجی و سیاسی تنظیموں نے مل کر مذکورہ مبینہ متنازع قانون کا بائیکاٹ کیا ہے اور حکومت سے مطالبہ کیا ہے کہ وہ اس بل کو واپس لے۔
شہریت ترمیمی قانون کے خلاف طلبا کا احتجاج
مختلف ریاستوں میں الگ الگ طریقے سے احتجاجی مظاہرے کے دوران احتجاجیوں پر پولیس کی جانب سے لاٹھی چارج کرنے اور آنسو گیس چھوڑنے کی خبریں موصول ہوئی۔
اسی طرح شہر بنگلور میں ٹاؤن ہال کے روبرو کثیر تعداد میں طلبا نے کیمپس فرنٹ آف انڈیا کے بینر تلے بڑے پیمانے پر احتجاجی مظاہرہ کرتے ہوئے نعرے بازی کی اور شہریت ترمیمی قانون کو واپس لینے کا مطالبہ کیا۔
