ریاست کرناٹک میں سابق وزیر اعلیٰ بی ایس یدو رپا کے بعد بسوا راج بو مائی نے ریاست کی کمان سنبھالی۔ ریاست کے مختلف اضلاع کے متعدد مقامات پر اقلیتی طبقات پر مسلسل حملے ہورہے ہیں اور آئے دن نہ کہیں مسلمانوں اور عیسائیوں کے خلاف حملے کئے جارہے ہیں ۔ Karnataka Witnessing Rise in Attacks on Christians
مگر ان حملوں کو لے مسلم سیا ست داں اور سکیولر جماعتیں خاموش ہیں۔ کوئی پُر زور انداز میں ان حملوں کی مخالفت نہیں کرتے اور نہ ہی مظلوموں کے حق میں اپنی آواز بلند کرتے ہیں۔
مذکورہ معاملہ کے تعلق سے منگلور کے رکن اسمبلی یو ٹی قادر سے سوال کیا گیا تو انہوں نے کہا ملزمین کے خلاف قانونی کارروائی کی بات چل رہی ہے۔
انہوں نے مزید کہا کہ اس سلسلے میں ریاست کے وزیر اعلیٰ اور محکمہ پو لیس کے اعلیٰ افسران سے ملزمین کو کیفر کردار تک پہنچانے کے سلسلے میں بات چیت چل رہی ہے۔
بتا یا جارہا ہے کہ ریاست کرناٹک میں اگلے سال اسمبلی انتخابات ہونے ہیں۔ جس کے پیش نظر بی جے پی ہندو اور مسلمانوں کے درمیان نفرتیں پھیلانے کو ششیں کی جارہی ہیں۔
یو ٹی قادر نے بی جے پی پر الزام عائد کرتے ہوئے کہا کہ بی جے پی نفرت کی سیاست کر رہی ہے اور یہی اس کی حکمتِ عملی ہے۔ تاہم کانگریس پارٹی کی پالیسی یہ ہے کہ تمام طبقات کو ساتھ میں لے کر انتخابی مقابلہ کیا جائے۔
سینیئر لیڈر سی ایم ابراہیم کبھی بھی کانگریس نہیں چھوڑیں گے، کرناٹک میں کانگریس لیجسلیچر پارٹی کے نئے مقرر کردہ ڈپٹی لیڈر یو ٹی قادر نے پیر کو کہا۔
قادر نے بنگلورو میں نامہ نگاروں سے خطاب کرتے ہوئے کہا کہ سینیئر لیڈر کے پارٹی چھوڑنے کا سوال ہی پیدا نہیں ہوتا۔ قادر نے کہا کہ پارٹی نے ہمیشہ ابراہیم کے تعاون کو تسلیم کیا ہے اور آئندہ بھی کرتی رہے گی۔
قادر نے یہ بھی کہا کہ سی ایل پی کے ڈپٹی لیڈر کے طور پر ان کی تقرری اور ابراہیم کی ناراضگی کے درمیان کوئی تعلق نہیں ہے۔
