کرناٹک کے وزیر اعلی نے دوا خانوں کا قیام کیا، سماجی دوری برقرار رکھنے اور عوام کو کورونا وائرس سے واقف کروانے کے لیے طبی عملہ کے ساتھ معقول پولیس ٹیم کی رات دن خدمات فراہم کرائی۔ ایسے حالات میں ملک کی بڑی بڑی مذہبی، سماجی، ملی و فلاحی تنظیمیں خدمت خلق کا فرض ادا کر رہی ہیں۔
اس موقع پر ریاست کرناٹک کے ضلع یادگیر سے یادگیر بلدیہ کے سابق چیئرمین عزیز احمد شہینہ نے شہر کے پانچ ہزار خاندانوں میں گھر گھر تک جماعت اسلامی شاخ یادگیر کے تعاون سے راشن تقسیم کیا۔ اس موقع پر شہر کے مختلف حلقوں سے بلا مذہب وملت عوام نے عزیزاحمد شہینہ کی بلا مذہب و ملت عوامی خدمت پر ستائش کرتے ہوئے شکریہ ادا کیا۔
