ریاست کرناٹک کے ضلع گلبرگہ میں اینٹی کرپشن بیورو کی جانب سے بدعنوانی کے خلاف بیداری مہم چلائی جارہی ہے۔ اس موقع پر یہاں کے ایوان شاہی گیسٹ ہاؤس میں اینٹی کرپشن بیورو کے ایس پی مہیش میگھنا نوار نے ای ٹی وی بھارت سےکہاکہ' یادگیر ضلع کے تمام تعلقہ جات میں بدعنوانی کے خلاف مہم چلائی جارہی ہے۔
اینٹی کرپشن بیورو کا اہم مقصد ملک بھر سے بدعنوانی کا خاتمہ کر نا ہے۔جس کے تحت ہر برس اینٹی کرپشن بیورو کے جانب سے عوامی بیدار مہم ریلی کی جاتی تھی۔ لیکن رواں برس کورونا وبا کے پیش نظر تعلقہ جات میں اینٹی کرپشن بیورو کی جانب سے مہم چلائی جارہی ہے۔
انہوں نےکہاکہ' سرکاری افسران عوام سے رشوت لے کر کام کرتے ہیں اس سے متعلق عوام اینٹی کرپشن بیورو آفیس آکر اس بابت معلومات دے سکتے ہیں اینٹی کرپشن بیورو کی جانب سے پوری طرح سے ان کی مدد کی جائے گی۔
مزید پڑھیں:
گلبرگہ میں ایک روزہ عظیم الشان کانفرنس
انہوں نے مزید یہ بھی کہاکہ' جو سرکاری ملازمین عوام سے رشوت لے کر کام کر تے ہیں ان پر قانونی کارروائی کی جائے گی۔
