پرائیوٹ اسکولوں کے خلاف والدین کا احتجاج

عالمی وبا کورونا وائرس کے سبب جہاں لوگوں کو کافی پریشانیوں کا سامنا رہاہے ایسے میں پرائیوٹ اسکول انتظامیہ کی جانب سے بچوں کی فیس میں مسلسل اضافے سے پریشان والدین نے احتجاج کیا اور حکومت سے مطالبہ کیا کہ پرائیویٹ اسکولوں کی من مانی پر پابندی عائد کی جائے۔

ریاست کرناٹک کے دارالحکومت بنگلورو کے فریڈم پارک میں والدین کی ایک بڑی تعداد احتجاج کے لئے جمع ہوئی۔ والدین کا یہ الزام یے کہ پرائویٹ اسکولوں کی جانب سے بے تحاشہ فیس میں اضافہ کیا گیا ہے جو کہ والدین پر خاص کر اس وبا کے دوران بوجھ سا لگ رہا ہے۔

اس موقع پر ای ٹی وی بھارت سے بات کرتے ہوئے والدین نے اسکول انتظامیہ پر الزام لگایا کہ اسکول بند ہونے کے باوجود مینٹنینس فیس لی جارہی ہے۔ والدین نے مرکزی و ریاستی بی جے پی حکومت سے پرزور مطالبہ کیا کہ نیشنل ایجوکیشن پالیسی 2020 میں ترمیم کرے اور نجی اسکولوں پر لگام لگائے کہ اس طرح فیس میں اضافہ نا کریں۔