ریاست کرناٹک کے گائیڈ لائن کے مطابق اسکول کالج کے طلبہ کو آن لائن کلاسز شروع کردی گئی ہے۔
اس دوران ریاست کرناٹک گلبرگہ شہر میں دینی مدارس میں بھی طلبہ کو آن لائن کے ذریعے تعلیم دی جارہی ہے۔
گلبرگہ شہر کے دارالعلوم رضائے مصطفےٰ کے مدرس مولانا جاوید مصباحی نے کہا کہ ملک بھر میں پھیلی ہوئی وبا کورونا وائرس کی وجہ سے ہر شعبہ متاثر ہوا ہے، جن میں تعلیمی سرگرمیاں بھی پوری طرح سے ٹھپ ہوگئی ہے۔
لیکن دینی مدارس کے لئے کو ئی گائیڈلائن نہیں ہے، اس لئے اسکول کالج کے گائیڈلائن کو فالو کر تے ہوئے گلبرگہ شہر میں دینی مدارس میں بھی آن لائن کے ذریعے تعلیم دی جارہی ہے۔ اس موقع پر مفتی اویسی قادری نے کہا کہ چند دینی مدارس میں آن لائن تعلیم دی جارہی ہے اور چند مدارس میں نہیں دی جارہی ہے، اس لئے دینی مدارس کے اساتذہ طلبہ کو درس و تدریس کے ویڈیو بنا کر طلبہ کو تعلیم دینے کی کوشش کریں، جس سے دینی مدارس کے طلبہ کی تعلیم جاری رہ سکیں۔
