سبھی لوگ نماز جمعہ کے بدلے نماز ظہر اپنے گھر میں ہی ادا کرے مولانا نظام الدین برکاتی خطیب امام مسجد صدر دروازہ یادگیر نے ای ٹی وی بھارت سے کہا کہ شریان یادگیر سے میں مخلصانہ اپیل کرتا ہوں کہ وہ جمعہ کے بجائے اپنے گھروں میں ظہر کی نماز ادا کریں۔
انہوں نے خاص طور پر نوجوانوں سے گزارش کی ہے کہ حکومت کرناٹک محکمہ پولیس اور ضلعی انتظامیہ کی جانب سے شہر میں لاگ ڈاؤن کے پیش نظر سخت کارروائی کی جارہی ہے جس کی و جہ سے ہم تمام لوگوں کو چاہیے کہ حکومت اور محکمہ صحت نے جو تدابیر کرونا وائرس سے بچنے کے لئے بتائے گئے ہیں اس پر سختی کے ساتھ عمل کریں۔
مزید پڑھیں:کورونا وائرس: آر بی آئی گورنر کی پریس کانفرنس
انہوں نے مزید کہا کہ' گھروں پر ہی رہیں اور گھروں میں ہی عبادت کریں استغفار ذکر واذکار کریں اور کرونا وائرس جیسے خطرناک مہلک وبا کے خاتمہ کے لیے اللہ تبارک و تعالی سے دعا کریں۔
