ریاست کرناٹک کے گلبرگہ شہر کے مسلم چوک ہال میں سی اے اے، این آرسی اور این پی آر کے خلاف ایک اجلاس منعقد کیا گیا۔
اس موقع پر سپریم کورٹ کے مشہور وکیل بھانوپرتاپ سنگھ نے کہا کہ ملک بھر میں سی اے اے، این آرسی، این پی آر کی سچائی بتانے کی کوشش کی جارہی ہے۔ اور اس کام کے لیے ایک تنظیم ملک بھر میں کام کررہی ہے۔
ملک میں اپریل ایک تاریخ کو این پی آر شروع ہونے جارہا ہے۔ انھوں نے اپیل کی کہ ملک کی عوام اس کا بائکاٹ کریں۔
انھوں نے کہا کہ شہریت ترمیمی قانون ،این پی آر اور این آر سی کا بائکاٹ کرنا آئین کے خلاف نہیں ہے۔ انھوں نے کہا کہ این پی آرکا بائکاٹ کرنا جرم نہیں ہے۔
واضح رہے کہ حکومت کیرل نے این پی آر پر اسٹے لگایا ہے جبکہ
بہار اسمبلی نے ریاست میں مجوزہ نیشنل رجسٹر آف سیٹزن (این آر سی) پر عمل درآمد نہ کرنے کی قرارداد منظور کی۔
اس موقعے پر وزیراعلیٰ نتیش کمار نے اسمبلی میں قومی شہری رجسٹر ( این آر سی ) کو غیر ضروری بتایا اور کہا کہ 'قومی مردم شماری رجسٹر ( این پی آر ) کے حالیہ خاکہ سے مستقبل میں این آر سی کے نفاذ پر کچھ لوگوں کو خطرات لاحق ہوں گے۔ اسی کو دیکھتے ہوئے ان کی حکومت نے این پی آر، 2010 کے پرانے خاکہ کی بنیاد پر ہی کرانے کے لیے مرکزی حکومت کو خط لکھا ہے۔
