بینگلورو: 'مائی سیوا' کے نام سے تمام اضلاع میں ایمبولینس کی روانگی

کرناٹک میں بی جے پی کے ریاستی نائب صدر وجے ندرا کی جانب سے 'مائی سیوا' کے نام سے ریاست بھر کے تمام اضلاع میں ایک ایمبولینس روانہ کی گئی ہے۔

اس موقع پر ضلع بی جے پی صدر ڈاکٹر شرن بھوپال ریڈی 'مائی سیوا' کے تحت ایمبولینس کا افتتاح کرتے ہوئے کہا کہ 'ریاستی نائب صدر وجے ندرا کی جانب سے یادگیر کے مریضوں کی سہولت کی خاطر جو ایمبولینس روانہ کی گئی ہے ہم اس کا شکریہ ادا کرتے ہیں۔

انہوں نے کہا کہ 'کورونا کے اس دور میں مریضوں کی سہولت کے لئے ایمبولینس نہایت ضروری ہے، اس بات کو محسوس کرتے ہوئے انہوں نے ریاست بھر میں جو ایمبولینس روانہ کیا ہے یہ قابل ستائش اقدام ہے، اس موقع پر ریاستی مہیلا نائب صدر للیتا انپور کے علاوہ بی جے پی کے دیگر ذمہ داران موجود تھے۔