بی جے پی کسانوں کو بندھوا مزدور بنانا چاہتی ہے: یوگیندرہ یادو

مرکزی حکومت کے کسان بل کی خلاف ورزی کرتے ہوئے بنگلورو کے فریڈم پارک میں بڑی تعداد میں کسانوں کا زبردست احتجاج ہوا، جس میں معروف سماجی کارکن یوگیندر یادو، ریٹائرڈ ہائی کورٹ جج جسٹس ناگ موہن داس جیسی کئی اہم شخصیات نے شرکت کی اور حکومت کی پالیسیوں کو عوام مخالف قرار دیا۔

اس موقع پر ای ٹی وی بھارت سے خصوصی بات کرتے ہوئے سوراج انڈیا کے رہنما یوگیندر یادو نے بتایا کہ مرکزی حکومت کسانوں کو بندھوا مزدور بنانا چاہتی ہے۔

ملک میں بڑھتی منافرت کے متعلق یوگیندر یادو نے بتایا کہ یہ وقت ہے عوام کے اٹھ کھڑے ہونے اور زیادتی و ناانصافی کے خلاف آواز اٹھانے کا اور جزبہ قربانی کے ساتھ احتجاج کرنے کا۔