ریاست کرناٹک کے دارالحکومت بنگلور سے تقریباً 90 کلو میٹر دور واقع ضلع منڈیا کے مارکونہ ہلی قریہ میں آباد سینکڑوں کسانوں کی 1200 ایکڑ اراضی کو حاصل کرنے کے لئے ریاستی حکومت کی ذیلی آرگنائزیشن 'کرناٹک انڈسٹریل ایریا ڈیویلوپمینٹ بورڈ' کوشش میں لگی ہوئی ہے۔
اس تعلق سے ایک سماجی کارکن کویتا جو ان کسانوں کے ساتھ کھڑی ہیں اور ان کی تحریک کا حصہ ہیں انہوں نے کہا کہ' کے آئی اے ڈی بی کی جانب سے ایکوائر کی جارہی زمین پر روک لگے، کسانوں کی جانب سے وزیر اعلیٰ و دیگر متعلقہ وزراء کو انہوں نے ریپریزینٹیشن دیا ہے لیکن کسی کی جانب سے بھی اب تک کوئی جواب موصول نہیں ہوسکا ہے۔
کویتا نے بتایا کہ' منڈیہ کے کسانوں کا کہنا ہے کہ انہیں اپنی زمینیں کسی سے نہیں بیچنی ہیں، لہذا حکومت اس سے باز رہے۔ کویتا نے مزید کہا کہ' کسانوں کی جانب سے جاری احتجاج اب ایک تحریک بن چکی ہے اور وہ کسی بھی قیمت پر اپنی زمین کو حکومت کے حوالے نہیں کرنا چاہتے۔
منڈیا کے مارکونہ ہلی کی زمین کے ایکویزیشن سے متعلق کہا جارہا ہے کہ' ریاستی حکومت کے آئی اے ڈی بی کے ذریعے 1200 ایکڑ زمین کارپوریٹ کے حوالے کرنا چاہتی ہے، جو کہ وہاں ممکنہ طور پر صنعت کے لئے استعمال ہوگی۔
مزید پڑھیں: کرناٹک کے اسکول اور کالجز کی کشادگی
کسانوں کو یہ ڈر ہے کہ یہ کارپوریٹز ان کی زمین کو ان سےجبرا لے کر اپنا صنعتی پروجیکٹس تیار کریں گے اور کسانوں کو اپنی ہی زمین پر مزدوری کرنے پر مجبور ہونا ہوگا۔
