ریاست کرناٹک میں جے ڈی ایس اور کانگریس کے ساتھ اتحاد کی حکومت ہے۔ بی جے پی اس کوشش میں لگی ہے کہ ریاست کی مخلوط حکومت کو گراکر اپنی حکومت تشکیل دی جائے۔ اسی سلسلے میں بی جے پی کے وفد نے اسپیکر سے فوری فلور ٹرسٹ کرانے کا مطالبہ کیا ہے۔
بی جے پی رہنما مدھو سوامی کی قیادت میں ایک وفد نے اسپیکر رمیش کمار سے ملاقات کی۔ انہوں نے گورنر سے اپیل کی ہے کہ وہ فلور ٹرسٹ کا وقت مقرر کریں۔ مزید وفد نے اسپیکر سے گزارش کی ہے کہ کسی بھی حال میں اسےملتوی نہ کیا جائے۔ تو وہیں اسپیکر نے کہا ہے کہ فلور ٹرسٹ آج ہی کیا جائگا، کیوں کہ اگر اب اسے ملتوی کرنا غیر مناسب ہوگا۔
جس کے بعد وزیراعلیٰ کمار سوامی نے اسپیکر رمیش کمار سے اپیل کرتے ہوئے کہا ہے کہ انہیں فلور ٹسٹ کے لئے مزید 2 دن کا وقت دیا جائے اور فلور ٹسٹ کا وقت 24 جولائی کو مقرر کریں۔
