ریاست کرناٹک کے ضلع یادگیر کے مدرسہ فیضان یعقوب بخاری رحمۃ اللہ علیہ کی جانب سے ایک روزہ اجتماع منعقد کیا گیا ہے۔ Dawat e islami hind ijtema will be held on 25 march۔ مولانا عارف الدین نے میڈیا سے بتایا کہ مدرسہ فیضان یعقوب بخاری رحمۃ اللہ علیہ یادگیر کے زیراہتمام 25 مارچ بروز جمعہ بعد نماز عشاء بمقام بیت المال فنکشن ہال یادگیر میں ایک روزہ اجتماع تقسیم اسناد کا انعقاد عمل میں لایا جارہا ہے۔
اس موقع پر مشہور و معروف عالم دین مفتی غفران عطاری آکولہ مہاراشٹرا مہمان خصوصی کے طور پر شرکت کریں گے ۔انہوں نے کہا کہ اس موقع پر مدرسہ ہزا سے فارغ پانچ حفاظ کو اور 36 ناظرہ تکمیل قرآن مجید کو تقسیم اسناد دیے جائیں گے۔ مولانا عارف الدین نے مزید کہا کہ علم دین حاصل کرنے والے بچوں کے والدین خوش نصیب ہوتے ہیں جن کے بچوں نے یہ کارنامہ انجام دیا ہے ہم انہیں مبارکباد پیش کرتے ہیں۔
انہوں نے عوام الناس سے اپیل کرتے ہوئے کہا کہ دعوت اسلامی کا اس ایک روزہ اجتماع برائے تقسیم اسناد میں زیادہ سے زیادہ تعداد میں شرکت کرتے ہوئے اس یادگار جلسہ کو کامیاب بنائیں۔ اس موقع پر مولانا حافظ اختر، شہباز جاگیر دار، ریاض و دیگر موجود تھے۔
