گزشتہ دنوں بنگلور میں اس وقت تشدد بھڑک گئی جب نوین نامی ایک بی جے پی کے حامی نے پیغمبر اسلامﷺ کے خلاف فیس بک پر اشتعال انگیز پوسٹ کر دیا، اس دوران چار افراد کی پولیس فائرنگ میں ہلاک ہوئے تھے۔
بنگلورو تشدد کے ہلاک شدگان کے اہلخانہ کو مالی امداد
جماعت اہل سنت کرناٹک کے ایک وفد نے ڈی جے ہلی اور کے جی ہلی کے علاقوں کا دورہ کیا، اس حادثے میں جن چار نوجوانوں کی پولیس فائرنگ میں ہلاکت ہوئی، ان کے گھروں تک پہونچ کر ان کے اہل خانہ سے ملاقات کی اور انہیں 50 ہزار روپے کی مالی معاونت کی۔
اس موقع پر تنظیم کے صدر مولانا تنویر ہاشمی نے ہلاک شدگان کے اہل خانہ میں موجود بچوں کو مفت تعلیم دلانے کی یقین دہانی کرائی، مولانا تنویر ہاشمی نے حکومت کرناٹک سے پرزور مطالبہ کیا کہ جن بےگناہوں و بے قصور نوجوانوں کو حراست میں لیا گیا ہے انہیں باعزت فوری رہا کیا جائے اور اس پورے معاملے کی غیر جانبدارانہ تحقیق کرائی جائے۔
