گلبرگہ کے جیورگی ٹاون میں آبکاری عہدیداروں نے دھاوا کرکے بڑی مقدار میں دیسی شراب اور ایک موٹر سائیکل کو ضبط کرلیا۔ ضبط شدہ اشیا کی مالیت 36 ہزار روپئے بتائی جارہی ہے۔
گلبرگہ میں محکمہ آبکاری کے سب ڈیویژن، ڈی ایس پی کی نگرانی میں ڈی سی ای بی، انسپکٹر اور عملہ کے دیگر ارکان نے جیورگی ٹاون بس اسٹانڈ کے قریب پٹرولنگ کے دوران غیر قانونی طور پر ایک موٹر سائیل کے ذریعہ منتقل کی جارہی دیسی شراب کو ضبط کرلیا۔
محکمہ آبکاری کی کاروائی میں 180 ملی لیٹر کے 48 ٹیڑا پیاکٹس، یجنل چوائس وہسکی اور پیپر وہسکی ضبط کی گئی۔ اس سلسلہ میں آبکاری عہداران گوپالے پنڈت نے معاملہ درج کر کے تحقیقات کا آغاز کیا ہے۔ غیرقانونی طور پر منتقل کی جارہی شراب کو ضبط کرنے کی کاروائی میں محکمہ کے انسپکٹر گوپالے پنڈت، سب انسکپٹر اشوک اور دیگر عملہ کے ارکان موجود تھے۔
