ریاست کرناٹک کے بنگلور شہر کے فریڈم پارک کے قریب کالیداس روڈ پر بڑے پیمانے پر شہریت ترمیمی قانون کے خلاف احتجاج کیا گیا جس میں گجرات کے رکن اسمبلی جگنیش میوانی نے شرکت کرکے حکومت کے خلاف سخت تنقید کی۔
احتجاج کے دوران جگنیش میوانی نے نامہ نگاروں سے بات کرتے ہوئے بتایا کہ شہریت ترمیمی قانون کے خلاف ملک بھر میں چل رہی تحریک سے بی جے پی حکومت گھبرائی ہوئی ہے اور بوکھلاہٹ کا شکار ہے۔
جگنیش میوانی نے بیدر کے شاہین اسکول پر ملک سے غداری کا مقدمہ درج کیے جانے پر ریاستی بی جے پی حکومت پر شدید تنقید کی کہ معصوم بچوں کے سی اے اے مخالف ڈرامہ سے بھی حکومت کس قدر ڈری ہوئی ہے کہ غیر آئینی کارروائی کرنے پر آمادہ ہے۔
اس موقع پر مولانا افتخار قاسمی ندوی نے شہریت ترمیمی قانون کے متعلق بتایا کہ یہ تحریک کامیابی کی طرف بڑھ رہی ہے اور ہم منزل مقصود تک ضرور پہونچینگے.
احتجاج میں 103برس کے بزرگ اور مجاہد آزادی ایچ ایس دورے سوامی بھی لوگوں کو حوصلہ دینے کے لیے موجود تھے۔
