ریاست کر ناٹک گلبرگہ شہر میں آل انڈیا کسان سبھا تنظیم کی جانب سے گزشتہ چار دنوں سے ضلع کمشنر آفس کے سامنے احتجاج دھرنا جاری ہے۔
یہاں احتجاج کر رہے کسانوں کی مانگ ہے کہ تور کی قیمت میں اضافہ کیا جائے اور اس فصل سے کسانوں کو ہوئے نقصان کی بھرپائی کی جائے۔
آل انڈیا کسان سبھا تنظیم کے رکن سنیل مارنپاڈے نے ای ٹی وی بھارت کو بنابتایا کہ گلبرگہ ضلع میں سب زیادہ تور کی پیدوار ہوتی ہے، گزشتہ برس 2020 میںہوئے موسلادھار بارش اور سیلاب کی وجہ سے کئی ہزار ایکٹر تور کی فصل کو نقصان ہوا ہے۔
اس لیے مرکزی اور ریاستی حکومت تور کی فصل کو نقصان ہونے کے بارعث کسانوں کو مالی امداد فراہم کرے اور ڈاکٹر سوامی ناتھ رپورٹ کے تحت گلبرگہ میں تور کی فصل کو 8750 روپیے کوئنٹل میں خریدی کی ضمانت دے، احتجاجی کسانوں کا کہنا ہے کہ جب تک ان کے مطالبات پورے نہیں کیے جائیں گے تب تک ان کا دھرنا اور احتجاج جاری رہے گا۔
کسان تنظیم کے سکریٹری اشوک نے کہا سال 2020 میں کسانوں کی تور کی فصل کو کافی نقصان پہنچا ہے، ریاستی حکومت اس نقصان تلافی اور بھرپائی کے لیے کسانوں کو فی ایکٹر دو ہزار روپے مالی امداد فراہم کرے۔
