اس موقع پر ایڈوکیٹ عبدالرزاق نے میڈیا سے خطاب کرتے ہوئے کہا کہ نائب صدر کے طور پر محمد محبوب علی، مشتاق احمد، محمد یعقوب، سیکریٹری محمد سراج رضوی اور خازن منیر احمد کے علاوہ دیگر اراکین شامل ہے۔ اس عوامی فلاحی تنظیم میں جملہ 21 افراد شامل ہیں۔
انہوں نے کہا کہ اس کمیٹی کے قیام کا واحد مقصد مسلم کمیونٹی میں اتحاد پیدا کرنا ہے۔ عبدالرزاق نے نہایت افسوس ظاہر کرتے ہوئے کہا کہ سرکاری اسکیم سے استفادہ نا کرنے والے لوگوں میں مسلم طبقات سب سے آگے ہے کیونکہ کہ یہ لوگ زیادہ تعلیم یافتہ نہیں ہیں مختلف محکمہ جات میں عوام کے لیے آنے والے سرکاری اسکیموں سے لوگوں کو معلومات فراہم کرنا اس کمیٹی کے اہم مقاصد میں شامل ہیں۔
محمد محبوب علی نائب صدر نے کہا کہ مسلم طبقات میں معلومات کی کمی ہے۔ انہوں نے مزید کہا کہ مسلم طبقات میں عوامی فلاحی سرکاری معلومات فراہم کرنے کے لئے شہر کے معززین کو جمع کرتے ہوئے اس کمیٹی کو تشکیل دیا گیا ہے۔
انہوں نے کہا کہ ہر ماہ عوام کے لیے فری معلوماتی کیمپ لگایا جائے گا عام لوگوں کے لیے راشن کارڈ ادھار کارڈ و دیگر سرکاری سہولیات حاصل کرنے کے لیے درکار دستاویزات بنائے جائیں گے۔
محمد یعقوب نائب صدر نے کہا کہ مسلم طبقہ کے علاوہ سیکولر ذہن رکھنے والے احباب کو بھی اس کمیٹی کے ذریعے معلومات فراہم کی جائیں گی اور ان کا بھی کام کیا جائے گا کمیٹی کے تمام ذمہ داران نے شہر کی عوام سے تعاون کرنے کی اپیل کی ہے
