آل انڈیا بدھ گیہ مہا بودھی ٹیمپلس ایکشن کمیٹی اور مہا بودھی مہا گیان موکھیا آندولن گلبرگہ کی جانب سے یہاں کے منی ودھان سبھا کے سامنے احتجاج کیا گیا اور آیودھیا میں رام مندر کی جگہ پر بدھ مندر کی تعمیر کرنے کا مطالبہ کیا اس دوران احتجاج کررہے لوگوں نے گلبرگہ ضلع ڈپٹی کمشنر کے ذریعے صدر جمہوریہ کو یاد داشت پیش سونپا۔
اس موقع پر مہا بودھی مہا گیان موکھیا آندولن کے نیشنل جنرل سیکرٹری بھادانت دھمنگ نے کہا کہ ایوھیا میں رام مندر کی تعمیر کا کام چل رہا ہے، جبکہ اس کی گھدائی کے دوران چندر گوپت اشوک کے دورے حکومت میں تعمیر کیے گئے 84 ہزار ستنوں میں سے ایک نشان پایا گیا ہے، جس کا تعلق بدھ مذہب سے ہے، اس لیے وہاں بدھ مندر تعمیر ہونی چاہیے۔
ان کا کہنا تھا کہ ملک میں لاک ڈون کے دوران رام مندر کام شروع کیاگیا ہے، مرکزی حکومت ہندوتوا کے نام پر اس جگہ پر رام مندر تعمیر کا کام کررہی ہے جو کہ غلط ہے، انھوں سوال کر تے ہوئے کہا اگر ایودھیا میں رام کا جنم ہوا ہے تو اس کا ثبوت پیش کر یں۔
بابری مسجد کو شہید کر کے بغیر کسی ثبوت کے مندر تعمیر کر نا کونسا انصاف ہے، گھدائی کے دوران ملنے والے بدھ مذاہب کی تاریخی نشانیوں کو ختم کیا جا رہا ہے، اس لیے اس جگہ پر رام مندر کی تعمیر پر روک لگائی جائے ساتھ اس جگہ کو آرکیلاجیکل سروے آف انڈیا کے حوالے کیا جائے۔
