تاجر کا کووڈ مریضوں کے لیے ایک اہم قدم

ریاست کرناٹک میں کورونا وائرس کی وباء بڑی تیزی سے پھیل رہی ہے اور سینکڑوں کی تعداد میں لوگ ہلاک ہو رہے ہیں۔

دارالحکومت بنگلورو کے علاوہ شہر میسور میں آبادی کے اعتبار سے کووڈ-19 کا پھیلاؤ زیادہ ہے اور ہسپتالوں میں نہ صرف بیڈز کی کمی ہے بلکہ طبی سہولیات کی فراہمی بھی کم ہیں۔

ان حالات میں بنگلورو سے تعلق رکھنے والے تاجر محمد اقبال نے شہر میسور میں "بی بی عائشہ ہسپتال" کا قیام کیا اس غرض سے کہ غریب کووڈ-19 کے متاثرین کے لیے امداد ہوسکے۔

اس سلسلے میں بی بی عائشہ ہسپتال کے ذمہ دار محمد اقبال نے بتایا کہ ہسپتال میں دیگر تمام بنیادی سہولیات کے علاوہ آکسیجن اور وینٹیلیٹرز کی بھی سہولیات مہیا کی جاتی ہیں۔

محمد اقبال جے نے بتایا کہ بی بی عائشہ ہسپتال کے قیام ہی نہیں بلکہ اسے چلانے میں بھی میسور کے رکن اسمبلی تنویر سیٹھ کا بھرپور تعاون حاصل ہے۔